101- ރައްޔިތުންގެ ސީދާ ބާރުވެރިކަން ހަމައެކަނި ކޮންމެ އިންތިހާބަކާ ހަމައިން އޮންނަ އޮތުން ނިމުމަކަށް ގެނެސް، އަބަދު ވެސް ރައްޔިތުންގެ ބާރުވެރިކަން (މަންދޫބުން މެދުވެރިނުކޮށް) ބޭނުން ކުރެވޭނެ ނިޒާމެއް ގާއިމު ކުރުމުގެގޮތުން ހުށަހަޅަނީ
ހ. ގައުމު ހިންގުމަށް އެކަށައަޅާފައިވާ އެއްވެސް ގުނަވަކުން (ފަރާތަކުން) ކުރާ ކަމަކާ މެދު ރައްޔިތުންގެ ތެރެއިން ވަކި އަދަދެއްގެ (އަދަދު މަޝްވަރާއަށް) ރައްޔިތުން ސޮއިކޮށް ޕެޓީޝަނެއް ރައްޔިތުންގެ މަޖިލީހަށް ހުށަހަޅައިފިނަމަ ހުށަހެޅި ޕެޓީޝަނުގައިވާ މައްސަލަ ބަލައި ތަހުގީގު ކުރުމަށް ފަހު، ހުށަހަޅާފައިވަނީ އަސާސީ ސިފަތަކުގެ ތެރެއިން ސިފައެއް ހިމެނޭ މައްސަލައެއް ނަމަ އެމައްސަލައަކާ މެދު ރައްޔިތުންގެ ފެންނަ ނުފެންނަ ވޯޓް ނެގުމަށް ލާޒިމް ކުރުވަން ގާނޫނު އަސާސީގައި އެކަށައެޅުމާއި (މިސާލަކަށް އަސާސީ ސިފަތަކަކީ މިކަރުދާހުގައި ބަޔާންކޮށްފައިވާ ކަންކަމެވެ.)