ރައްޔިތުންގެ މަޖިލީހުގެ މެމްބަރުންގެ އަދަދު މަދު ކުރުމާއި، 2 ގެ ހެދުން

101 މަޖިލީހުގެ މެމްބަރުންގެ އަދަދު މަދު ކުރުމާއި، އިދާރީ ދާއިރާއަށް މެމްބަރުން ހޮވުމުގެ ބަދަލުގައި މުޅި އަތޮޅުން މެމްބަރުން ހޮވާގޮތައް ހެދުމާއި، މަޖްލިސް އަލުން އިންތިޒާމުކުރުމުގައި، 2 ގެއެއް އުފައްދާ، މަތިގެއަކާއި ދަށުގެއެއް ގާއިމްކުރުމާއި

102 ދަށުގޭގެ ހުރިހާ މެންބަރުންނަކީ ސީދާ ރައްޔިތުންގެ ވޯޓުން އިންތިހާބުވާ ބަޔަކަށްވެފައި، 

މަތިގޭގެ މެންބަރުންގެ ތެރެއިން ކަނޑައެޅޭ ބައެއް ޝީޓްތަކަކީ ޕާޓީއަކަށް ނިސްބަތްނުވާ، ފަންނީ މީހުންނާއި މުޖްތަމައުގެ އެކި ގިންތިތަކާއި އެކި ދާއިރާތައް ރަމްޒުކުރާ ބައެއްކަމުގައި ވުމާއި، އަދި މަތިގެއަށް އިންތިހާބު ކުރާ މެމްބަރުންނަކީ އިލުމީގޮތުންނާއި ތަޖުރިބާ އާއި ފަންނީގޮތުން ކަނޑައެޅިފައިވާ ވަކި މިންގަނޑަކަށް ފެތޭ ބަޔަކަށްވުމާއި،

މަތިގެއަކީ، ދަށުގޭގެ ސިޔާސީ ނުފޫޒުން މިނިވަންވެ، ދަށުގޭގެ ސިޔާސީ ނިންމުންތަކަށް، އިތުރު ތަޞައްރަފެއް ގެނެސްދޭނެ ތަނެއްގެ ގޮތުގައި ހެދުމާއި

105- ދައުލަތުގެ ވެރިޔާ (ރައީސުލްޖުމްހޫރިއްޔާ) އާއި ސިޓީތަކާއި އަތޮޅު ކައުންސިލުތަކުގެ އިންތިހާބާއި ރައްޔިތުންގެ މަޖިލީހުގެ މެމްބަރުންގެ ތެރެއިން 50 އިންސައްތަ މެމްބަރުން ހޮވުމަށް ބާއްވާ އިންތިހާބު އެއް ދުވަހަކު ބޭއްވުމަށް ގާނޫނު އަސާސީގައި އެކަށަހެޅުމަށާއި، މަޖިލީހުގެ މެމްބަރުންގެ ބާކީ 50 އިންސައްތަ މެމްބަރުން ދައުރުގެ މެދުތެރެއިން އިންތިޚާބުކުރުމަށް ގާނޫނު އަސާސީގައި އެކަށައެޅުމާއި

ހ. ރަށު ކައުންސިލާއި އަންހެނުން ތަރައްގީއަށް މަސައްކަތް ކުރާ ކޮމެޓީއަށް މެމްބަރުން  ހޮވުމަށް ބާއްވާ އިންތިހާބުގައި ރަށުގައި ދިރިއުޅޭ މީހުންނަށް އެކަނި ވޯޓްލެވޭގޮތް ހެދުމާއި

103  ދާއިރާތަކުގެ ރައްޔިތުންނަށް ކަނޑައެޅޭ ވަކި މުހުލަތުތަކެއްގައި، ކަލަންޑަރު ކުރެވިގެން މެންބަރުންނާއި ސީދާ ރައްޔިތުން ސުވާލާއި ޖަވާބު ދިނުމުގެ ނިޒާމެއް ގާނޫނު އަސާސީގައި ކަނޑައެޅުމާއި

ހ. ސުވާލާއި ޖަވާބު ދިނުމުގައި، މެންބަރުންގެ ބަހާއި ޢަމަލާއި ދިމާނުވާނަމަ ނުވަތަ ތެދު ނޫން މައުލޫމާތު ހިމެނޭނަމަ، އެފަދަ މެންބަރަކާއި ދެކޮޅަށް (ވަކިކުރުމުގެ) ޕެޓިޝަންއެއް މަޖްލިހަށް ހުށަހެޅުމުގެ ފުރުސަތު އިންތިޒާމުކުރުމާއި.

(މިކަމުގައި، ރައްޔިތުންގެ ޕެޓިޝަންތަކަކީ ސިޔާސީ ޕާޓީތަކުގެ ނުފޫޒުން އެކަހެރި ކުރެވިފައިވާ ނުވަތަ ޕާޓީއެއްގެ ކެންޕޭނަކައި ގުޅުމެއް ނެތް ޙަރަކާތަކަށްވުން މުޙިންމު)