ހުރިހާ ފިކުރަކާއި އިލްމީ ހަގީގަތާއި މުޖްތަމަޢުގެ ވިސްނުމަށް ރިޔާއަތް ކުރުމާއެކު ގާނޫނު އަސާސީގައި ބަޔާންކޮށްފައިވާ އުސޫލުން ރާއްޖެ ހިންގުމަށްޓަކައި ލާމަރުކަޒީ އުސޫލުން ސަރަހައްދީ ހިންގުން އުފަން ކުރުމާއެކު ތިރީގައިވާކަންކަން ގާނޫނު އަސާސީގައި އެކަށައެޅުމަށް ފަހު ދޫކޮށްލުމަށާއި

ހުރިހާ ފިކުރަކާއި އިލްމީ ހަގީގަތާއި މުޖްތަމައުގެ ވިސްނުމާއި ރަށްތަކުގެ އެތުރުމަށް ބަލައިގެން ތަރައްގީގެ ސަރަހައްދުތަކަކަށް ރާއްޖެ ބަހާލުމަށާއި

ހިންގުމާއި ދުރުރާސްތާއަށް ކަނޑައަޅައިވާ ގައުމީ ސިޔާސަތާ ފުށުނާރާނެ އުސޫލުން ގޮތް ނިންމުމުގެ ފުރުސަތު އަތޮޅަށް/ސަރަހައްދަށް ދޫކޮށްލުމަށާއި

އަތޮޅުގެ މާލީ އަދި މާއްދީ ވަސީލަތްތަކަށް ގޮތް ނިންމުމުގެ ފުރުސަތު އަތޮޅަށް/ސަރަހައްދަށް ދޫކޮށްލުމަށާއި

އަތޮޅުތަކުގެ ނަފާ ގައުމީ ތަރައްގީއަށް ހިއްސާކުރާނެ ނިޒާމެއް ގާނޫނު އަސާސީގައި އެކަށައެޅުމަށާއި

ލާމަރުކަޒީ ބާބަށް ގެންނަ އިސްލާހު ތަސްދީގު ކުރުމަށް ފަހު، ލާމަރުކަޒީ ބާބަށް އިސްލާހު ގެންނެވޭނީ ރައްޔިތުންގެ ފެންނަ ނުފެންނަ ވޯޓަކުން ކަމަށް ކަނޑައެޅުން