101 ދައުލަތާއި ސަރުކާރުގެ މުއައްސަސާތައް އުފެއްދޭނެ މިންވަރު ގާނޫނު އަސާސީގައި ކަނޑައެޅުމަށް ފަހު،
ހ. ދައުލަތުގެ މުއައްސަސާތަކަށް މީހުން އައްޔަނުކޮށް ވަކި ކުރާނީ ސީދާ ރައްޔިތުންގެ ވޯޓުން ކަމަށް ގާނޫނު އަސަސީގައި ކަނޑައެޅުމާއި
102 ސިޔާސީ ނުފޫޒުން އެކަހެރިކުރެވިފައިވާކަން ކަށަވަރު ކުރެވޭ މިނިވަން މުއައްސަސާތަކާއި މުސްތަގިއްލު މަގާމުތަކަށް އައްޔަނު ކުރާ މީހުންނަކީ އަމަލީގޮތުން ސިޔާސީ ކަންކަމުގައި ހަރަކާތްތެރިނުވާ 20 އަހަރުވެފައިވާ މީހަކަށް ހެދުމާއި އަދި އިލުމީގޮތުންނާއި ތަޖުރިބާ އާއި ފަންނީގޮތުން ކަނޑައެޅިފައިވާ ވަކި މިންގަނޑަކަށް ފެތޭ ބަޔަކަށްވުމާއި، ޖަމިއްޔާތަކާއި ސިވިލް ސޮސައިޓީން އެ މީހެއްގެ ނުވަތަ އެ ބައެއްގެ ނަޒާހަތްތެރިކަމާ މެދު އެންޑޯޒްމަންޓް ދީފައިވާ ބަޔަކަށް ވުމާއި
103 މިނިވަން މުއައްސަސާތަކާއި މުސްތަގިއްލު މަގާމުތަކަށް އައްޔަނު ކުރާ މީހުން ވަކި ކުރެވޭނީ ހުޅުވާލެވިފައިވާ މިނިވަން ތަހުގީގެއްގައި ޖަވާބުދާރީވުމުގެ ފުރުސަތު ދީ، ބާއްވާ އަޑު އެހުންތަކަށް ފަހު، އެ މީހެއްގެ ކިބައިގައި ހުރުން ލާޒިމް ޝަރުތެއް އުނިވެއްޖެކަން ސާބިތުވުމަށް ފަހުގައި ކަމުގައި ކަނޑައެޅުމާއި
104 ގައުމުގެ އެސެޓް ބެލެހެއްޓުން ވެރިކަމާ ވަކިކުރެވިފައިވާ މިނިވަން ނިޒާމެއް ގާއުމުކޮށް، ދައުލަތުގެ ހުރިހާ އެސެޓްތަކާއި އާމްދަނީގެ ހިސާބުކިތާބު ބެލެއްޓުމުގެ ޒިންމާ ގާނޫނު އަސާސީގައި ބަޔާން ކުރުމާއި
105 މިނިވަން މުއައްސަސާތަކުގެ ތެރޭގައި ހިމެނިގެން އުފަންވާ އިލެކްޝަންސް ކޮމިޝަނަކީ އިންތިހާބީ މައްސަލަތައް ތަހުގީގު ކުރުމުގެ ފުރިހަމަ މިނިވަން ބާރު ލިބިގެންވާ ތަނެއް ކަމަށް ކަނޑައަޅައި އިންތިހާބީ ހަރަކާތްތައް ހިނގަނީ ގާނޫނު ހުއްދަ ކުރާ މަގުންތޯ ބެލުމުގެ އެންމެހާ ތަންފީޒީ ޒިންމާ ކޮމިޝަނަށް ހަވާލުކުރަންޖެހޭގޮތަށް ގާނޫނު އަސާސީގައި އެކަށައެޅުމާއި